Hverjir þurfa ástandsskoðun?

Kaupendur fasteigna, seljendur fasteigna, leigjendur fasteigna, leigusalar fasteigna, húseigendur og húsfélög.

Hvað kosta úrbætur?

Í framhaldi af ástandsskoðun er gert kostnaðarmat og gerð áætlun. Gerð kostnaðarmats er auka kostnaður.

Hvaða leiðir eru færar?

Tjón og skemmdir í húsum geta oft numið milljónum króna.

Ef kaupandinn á skaðabótakröfu þá er best að gera kröfu á seljanda en ef hann er eignalaus eða jafnvel orðinn gjaldþrota þá þarf fólk að leita í  tryggingu byggingarstjóra sem getur í sumum tilfellum verið erfitt.

Byggingarstjórar eru skyldaðir til að vera með ábyrgðartryggingu og í sumum tilfellum geta fasteignaeigendur þá átt bótakröfu sem tryggingafélag viðkomandi byggingarstjóra þarf að greiða.

Hvað segja lögin?

18. gr. Um galla á fasteign. Fasteign telst gölluð ef hún stenst ekki þær kröfur um gæði, búnað og annað sem leiðir af lögum þessum og kaupsamningi. Notuð fasteign telst þó ekki gölluð, nema ágallinn rýri verðmæti hennar svo nokkru varði eða seljandi hafi sýnt af sér saknæma háttsemi.

19. gr. Nánar um galla á fasteign. Fasteign telst gölluð ef hún: a. hentar ekki til þeirra afnota sem sambærilegar eignir eru venjulega notaðar til, eða b. hentar ekki til þeirra sérstöku afnota fyrir kaupanda sem seljanda var eða mátti vera kunnugt um þegar kaupsamningur var gerður. Þetta gildir þó eigi ef kaupandi byggði ekki á þekkingu eða mati seljanda á eiginleikum eignarinnar eða skorti réttmæta ástæðu til þess. Í neytendakaupum skal ástand og búnaður fasteignar eða hluta hennar vera í samræmi við þær kröfur sem gerðar eru í lögum, stjórnvaldsreglum eða fyrirmælum reistum á þeim er voru í gildi þegar fasteign eða hlutar hennar voru byggðir eða endurbyggðir. Þetta gildir þó ekki ef kaupandi byggði ekki á þekkingu eða mati seljanda á eiginleikum eignarinnar eða skorti réttmæta ástæðu til þess.

20. gr. Tímamark við mat á galla. Við mat á því hvort fasteign telst gölluð skal miða við það tímamark er hún flyst yfir í áhættu kaupanda skv. 12. gr. eða samkvæmt samningi. Um galla getur þó verið að ræða þótt hann eða afleiðingar hans komi í ljós síðar. Seljandi ber ábyrgð á galla, sem fram kemur síðar, ef orsakir gallans eru vanefndir af hans hálfu. Sama á við ef seljandi hefur með ábyrgðaryfirlýsingu eða öðrum hætti tekist á hendur ábyrgð á eiginleikum eða öðrum kostum fasteignar í tiltekinn tíma.